小小減肥8個月回顧－Ayanki's Beauty Blog

話說我都減左8個幾月...
體重由225減到而家120磅...(明明之前7月2號119..無啦啦重返去123磅...仲肥左成個星期........到今日都只係收覆失地到120 ja.....)
其實都好多人問我點減..
平時我會答我係控制飲食同做運動..
呢個係減肥Golden rule..想瘦真係無不勞而獲，無其他捷徑..
不過係控制飲食上..因為我做左減肥手術..縮細左個胃..所以我係減得無咁辛苦..
我都明白減肥對於肥既人黎講..飲食真係最難控制個part..
唔好話正常人..就算我做左手術..如果唔忍口去食薯片雪糕朱古力等高熱量又唔飽肚既野，做左手術都唔會減到
至於我既飲食..因為我食量係特別細..正常人係follow唔到...
不都都可以講下點揀野食..
首先唔好食得太難為自己..因為無人可以齋食無味麥皮一世...食得少食清淡係減到，但只要你一回復以前既飲食習慣..一定會反彈..
所以減肥要成功..飲食就要均衡..健立返好飲食習慣，要自己接受到，唔好太難為自己..因為減完係要keep..
唔好信戒澱粉質或者戒肉..咁樣只會營養不良..新陳代謝減慢..食返會特別吸收..同越黎越難減..
同埋唔好以為麥皮可以減肥就狂食，因為其實麥皮都係澱粉質..同飯差唔多，但麥皮有降膽固醇同有水溶性纖維,..所以食適量就可以..但唔好以為可以任食..
同埋久不久可以獎勵自己食想食既野..如果唔係抑壓得太緊要...係會失控........

我自己早上食半碗紅米肉粒粥，一隻蒸蛋..
中午食即沖燕麥粥

晚餐就食肉同菜加飲湯..

而家個胃口比初時都大左..餐與餐之間都會肚餓..
所以帶左d提子同車厘茄返工食..

食左一排之後先知原來有助減肥ga

如果唔想咁齋可以參考呢個食譜...好好味..有食緊肉既feel...隻汁撈魚都好好味的

最近飲緊呢個sulloc既減肥野..um..都有助我飲多d水既~

之後就到我做運動個part..
我初初由每日半個鐘..到45分鐘..50分鐘...一個鐘..到而家放假會跑兩個鐘..
其實好多人對跑步有誤解..覺得會腳粗..
其實只要有拉筋..有按摩..其實唔會腳粗..
因為我地係唔會好似運動員咁喪跑同跑得咁快..
如果咁易有肌肉d人唔洗練得咁辛苦了..
我個跑步機係yahoo拍賣買..http://hk.f1.page.auctions.yahoo.com/hk/auction/b25055746?u=wingchun61086857&actsrch=srp2
係taobao search有好多款..呢部好似唔錯
http://detail.tmall.com/item.htm?spm=a230r.1.14.181.LxcDkm&id=18986610075&_u=eec40713cf
其實如果我知唔連按摩舊野我一定係淘寶買..反正集運有物流服務..一次過寄仲著數..同埋大家都無保養..
保養我就無所謂..反正比我跑左8個月都無事..如果好concern既..係dsc都有但就會貴d
係y拍買..仲要比call車錢同自己搬上樓..
預付半年健身房錢...逼到自己跑多d..而家回本了..haha

其實都唔算好大部既..跑左咁耐都未比我跑壞XDDD

好慘...減到119後反彈到123成個星期岩岩先去返120...

另外因為有皮鬆既問題..又唔想去gym剩係玩半個鐘器械訓練..我買左佢
咁我就可以練下pat pat..大腿既肌肉..感覺幾好~~
link http://item.taobao.com/item.htm?id=17928263265

其實減肥一定要有肌肉先消粍到多d fats..同新陳代謝率都會好d~如果唔係年紀越大..就算飲食無變，代謝慢左體重一樣會每年增加

最後就回顧下我d減肥相吧..
呢張係未減既時候

減左2個月左右

半年既對比

這是一個月前吧..

呢兩星期...手臂好鬆丫

1月梅醫生頒既證書，大約三個月吧，

12號再去健康講座既證書..而家係八個月後..好開心！

其實而家d fats越黎越難消..因為d fats無左好多..
跟據最後一次見營養師..由61%到23%(一個月前..而家未知..)
所以會做多d野希望可以收返線條...
尤其個pat pat..大腿內側..個肚..跑步都減唔到...
做treatment希望可以有d幫助啦..
買左spa機但未有貨..hope it works...
塊面就用緊tripolla stop..